Urdu Poetry : Main Aksar Sard Raaton Mein - میں اکثر سرد راتوں میں │ Hindi Poetry

Poem: Main Aksar Sard Raaton Mein - میں اکثر سرد راتوں میں Poet: Qamar Abbas Qamar Voice: M.Usman Ali #MainAksarSardRaatonMein #QamarAbbasQamar #musmanali #LafzKabhiMarteNahi For More Videos, Subscribe Our channel Press The Bell Icon https://www.youtube.com/c/LafzKabhiMa... میں اکثر سرد راتوں میں زمین خانۂ دل پر اکیلے بیٹھ جاتا ہوں پھر اپنا سر جھکا کر یاد عہد رفتگاں دل میں سجاتا ہوں خیال ماضیٔ دوراں مرے اس جسم کے اندر عجب طوفاں اٹھاتا ہے ہزاروں میل کا لمبا سفر پیدل کراتا ہے میں یادوں کے دھندلکوں میں تمہارے نقش پا کو ڈھونڈنے جب بھی نکلتا ہوں تو اک تاریک وادی میں اترتا ہوں جہاں یادوں کی کچھ بے رنگ تصویریں مجھے بکھری پڑی معلوم دیتی ہیں مجھے آواز دیتی ہیں کہ وحشت کا یہ جنگل باہیں پھیلائے بلاتا ہے مرا شوق نظر تھک کر زمین پر بیٹھ جاتا ہے اچانک جب تمہاری یاد کے وحشی جانور آواز دیتے ہیں میں ڈرتا ہوں کہ جیسے کوئی بچہ اپنے ہی سائے سے ڈر جائے کوئی شیشہ بکھر جائے کوئی فرقت میں گھبرائے مرے تار نفس پر ضرب کرتی مستقل دھڑکن مجھے رکنے نہیں دیتی مجھے تھکنے نہیں دیتی یہ بے چینی مجھے پھر اک سفر پر لے کے آتی ہے میں چلتا ہوں کہ جیسے اک مسافر بعد مدت اپنے گھر جائے ٹھٹھرتی سرد راتوں میں کوئی جیسے کہ جم جائے کہ جیسے سانس تھم جائے مگر میرے مقدر میں سکون قلب و جاں کب ہے نگاہ یاس میں مبہم سہی کوئی نشاں کب ہے کہیں پر شورش امواج دریا ہے کہیں آواز قلقل ہے مگس کا شور ہے سرسر صبا کی آہ و گریہ ہے سو دل اپنا مچلتا ہے کسی سے کب بہلتا ہے دھواں اٹھتا ہے دل سے آنکھ میں طوفاں مچلتا ہے طبیعت زور کرتی ہے یہ دھڑکن شور کرتی ہے تمہاری یاد کے یہ چیختے اور پیٹتے لمحے مجھے رونے نہیں دیتے مجھے سونے نہیں دیتے maiñ aksar sard rātoñ meñ zamīn-e-ḳhāna-e-dil par akele baiTh jaatā huuñ phir apnā sar jhukā kar yād-e-ahd-e-raftagāñ dil meñ sajātā huuñ ḳhayāl-e-māzī-e-daurāñ mire is jism ke andar ajab tūfāñ uThātā hai hazāroñ miil kā lambā safar paidal karātā hai maiñ yādoñ ke dhuñdlakoñ meñ tumhāre naqsh-e-pā ko DhūñDne jab bhī nikaltā huuñ to ik tārīk vaadī meñ utartā huuñ jahāñ yādoñ kī kuchh be-rañg tasvīreñ mujhe bikhrī paḌī ma.alūm detī haiñ mujhe āvāz detī haiñ ki vahshat kā ye jañgal bāheñ phailā.e bulātā hai mirā shauq-e-nazar thak kar zamīn par baiTh jaatā hai achānak jab tumhārī yaad ke vahshī jānvar āvāz dete haiñ maiñ Dartā huuñ ki jaise koī bachcha apne hī saa.e se Dar jaa.e koī shīsha bikhar jaa.e koī furqat meñ ghabrā.e mire tār-e-nafas par zarb kartī mustaqil dhaḌkan mujhe rukne nahīñ detī mujhe thakne nahīñ detī ye bechainī mujhe phir ik safar par le ke aatī hai maiñ chaltā huuñ ki jaise ik musāfir ba.ad muddat apne ghar jaa.e ThiThurtī sard rātoñ meñ koī jaise ki jam jaa.e ki jaise saañs tham jaa.e magar mere muqaddar meñ sukūn-e-qalb-o-jāñ kab hai nigāh-e-yās meñ mub.ham sahī koī nishāñ kab hai kahīñ par shorish-e-amvāj-e-dariyā hai kahīñ āvāz-e-qulqul hai magas kā shor hai sarsar sabā kī āh-o-giryā hai so dil apnā machaltā hai kisī se kab bahaltā hai dhuāñ uThtā hai dil se aañkh meñ tūfāñ machaltā hai tabī.at zor kartī hai ye dhaḌkan shor kartī hai tumhārī yaad ke ye chīḳhte aur pīTte lamhe mujhe rone nahīñ dete mujhe sone nahīñ dete #besturdupoetry #besthindipoetry #urdupoetry #hindipoetry #sadpoetry #lovepoetry