Poem: Dil Darta Hai... Kaali Akeli Raton Se Dil Darta Hai
Poet: Majeed Amjad
Voice: M.Usman Ali
#DilDartaHai #KaaliAkeliRatonSe #LafzKabhiMarteNahi #MUsmanAli
For More Videos, Subscribe Our channel Press The Bell Icon
https://www.youtube.com/c/LafzKabhiMarteNahi
آنکھوں میں کوئی بس جاتا ہے
میٹھی سی ہنسی ہنس جاتا ہے
احساس کی لہریں ان تاریک جزیروں سے ٹکراتی ہیں
جہاں نغمے پنکھ سنوارتے ہیں
سنگین فصیلوں کے گنبد سے پہرے دار پکارتے ہیں
کیا کرتا ہے
دل ڈرتا ہے
دل ڈرتا ہے ان کالی اکیلی راتوں سے دل ڈرتا ہے
ان سونی تنہا راتوں میں
دل ڈوب کے گزری باتوں میں
جب سوچتا ہے کیا دیکھتا ہے ہر سمت دھوئیں کا
بادل ہے وادی و بیاباں جل تھل ہے
ذخار سمندر سوکھے ہیں پر ہول چٹانیں پگھلی ہیں
دھرتی نے ٹوٹتے تاروں کی جلتی ہوئی لاشیں نگلی ہیں
پہنائے زماں کے سینے پر اک موج انگڑائی لیتی ہے
اس آب و گل کی دلدل میں اک چاپ سنائی دیتی ہے
اک تھرکن سی اک دھڑکن سی آفاق کی ڈھلوانوں میں کہیں
تانیں جو ہمک کر ملتی ہیں چل پڑتی ہیں رکتی ہی نہیں
ان راگنیوں کے بھنور بھنور میں صدہا صدیوں گھوم گئیں
ان قرن آلود مسافت میں لاکھ آبلے پھوٹے دیپ بجھے
اور آج کسے معلوم ضمیر ہستی کا آہنگ تپاں
کس دور کے دیس کے کہروں میں لرزاں لرزاں رقصاں رقصاں
اس سانس کی رو تک پہنچا ہے
اس میری میز کی جلتی ہوئی قندیل کی لو تک پہنچا ہے
کون آیا ہے کون آتا ہے کون آئے گا
انجانے من کی مورکھتا کو کیا کیا دھیان گزرتا ہے
دل ڈرتا ہے
دل ڈرتا ہے ان کالی اکیلی راتوں سے دل ڈرتا ہے
#besturdupoetry #besthindipoetry #urdupoetry #hindipoetry #sadpoetry #lovepoetry
Home Unlabelled Urdu Poetry : Dil Darta Hai Kaali Akeli Raton Se - دل ڈرتا ہے کالی اکیلی راتوں سے│ Majeed Amjad - مجید امجد│ Hindi Poetry
Urdu Poetry : Dil Darta Hai Kaali Akeli Raton Se - دل ڈرتا ہے کالی اکیلی راتوں سے│ Majeed Amjad - مجید امجد│ Hindi Poetry
By Alibrothers 13 September 0
Subscribe to:
Post Comments
(
Atom
)
Post a Comment